காலங்கள் தரம் 3

தரம் 3 மாணவர்களுக்கான காலங்கள் தொடர்பான விளக்கங்களும் அவை தொடர்பான பயிற்சிகளும், இணையவழி பயிற்சிகளும் இப்பதிவில் நீங்கள் பெற்றுக்கொள்ள முடியும். இந்த பதிவானது மாணவர்களுக்கும் ஆசிரியர்களுக்கும் பயன் மிக்கதாக அமையும். ஆசிரியர்கள் காலங்கள் தொடர்பாக வழங்கப்பட்டுள்ள பயிற்சி அட்டைகளை தரவிறக்கம் செய்து மாணவர்களுக்கு வழங்க முடியும். இது போன்ற பல பதிவுகள் எமது இணையத்தளத்தில் பதிவிடப்பட்டுள்ளது அவற்றினை பார்வையிடவும்.

தரம் 3 காலங்கள் தொடர்பான விளக்கங்கள்.

காலங்கள் 3 வகைப்படும்.

இறந்தகாலம்
நிகழ்காலம்
எதிர்காலம்

1.இறந்தகாலம்

நடந்து முடிந்த ஒரு செயலை குறிப்பது இறந்தகாலமாகும்.
உதாரணங்கள்.

குமார் கடைக்கு சென்றான்.

மாமா நேற்று வந்தார்.

நான் பாடல் பாடினேன்.

தம்பி சித்திரம் வரைந்தான்.

கமலா புத்தகம் வாசித்தாள்.

மேலே தரப்பட்டுள்ள வாக்கியங்களில் தடித்த எழுத்தில் காட்டப்பட்டுள்ள சொற்கள் ஒரு செயல் நடந்து முடிந்ததை உணர்த்துகின்றன. எனவே இவை இறந்தகாலமாகும்.

2.நிகழ்காலம்

இன்று நடக்கின்ற ஒரு செயலை குறிப்பது நிகழ்காலமாகும்.
உதாரணங்கள்.

குமார் கடைக்கு செல்கிறான்.

மாமா இன்று வருகிறார்.

நான் பாடல் பாடுகிறேன்.

தம்பி சித்திரம் வரைகின்றான்.

கமலா புத்தகம் வாசிக்கின்றாள்.

மேலே தரப்பட்டுள்ள வாக்கியங்களில் தடித்த எழுத்தில் காட்டப்பட்டுள்ள சொற்கள் ஒரு செயல் நடந்து கொண்டிருப்பதை உணர்த்துகின்றன. எனவே இவை நிகழ்காலமாகும்.

3.எதிர்காலம்

நடக்கப் போகும் ஒரு செயலை குறிப்பது எதிர்காலமாகும்.
உதாரணங்கள்.

குமார் கடைக்கு செல்வான்.

மாமா நாளை வருவார்.

நான் பாடல் பாடுவேன்.

தம்பி சித்திரம் வரைவான்.

கமலா புத்தகம் வாசிப்பாள்.

மேலே தரப்பட்டுள்ள வாக்கியங்களில் தடித்த எழுத்தில் காட்டப்பட்டுள்ள சொற்கள் ஒரு செயல் நடக்கப் போவதை உணர்த்துகின்றன. எனவே இவை இறந்தகாலமாகும்.